ନମସ୍କାର ବନ୍ଧୁଗଣ ତେବେ ଶ୍ରୀମନ୍ଦିର ରୋଷଘର ଚୁଲି ଭଙ୍ଗା ଘଟଣାରେ ପୁରୀ ପୋଲିସକୁ ବଡ ସଫଳତା । ୩ ଦିନ ମଧ୍ୟରେ ଅପରାଧୀକୁ ଧରିବାରେ ସକ୍ଷମ ହେଲା ପୋଲିସ । ସିସିଟିଭିରୁ ଚିହ୍ନଟ ଦୁର୍ବୃତ୍ତକୁ ପୁରୀ ଜିଲ୍ଲା ବାହାରୁ କାବୁ କଲା ପୋଲିସ । ଅଟକ ଅଭିଯୁକ୍ତର ଘର ପୁରୀ ଜିଲ୍ଲା ବାହାରର ବୋଲି ସୂଚନା । ସେ ଓଡିଆ ଭକ୍ତ ହିସାବରେ ଆସି ଘଟଣା ଘଟାଇଥିବା ସୂଚନା । ଅଭିଯୁକ୍ତଙ୍କୁ କାବୁ କରିବା ପରେ ଟୁଇଟ୍ ମାଧ୍ୟମରେ ସୂଚନା ଦେଇଛନ୍ତି ପୁରୀ ଏସପି ଡକ୍ଟର କନୱର ବିଶାଳ ସିଂ ।
ଅଭିଯୁକ୍ତକୁ ପୁରୀ ଟାଉନଥାନା ଆଇଆଇସି କୁଳମଣି ସେଠୀ ପୁରୀକୁ ଆଣିଥିବା ବେଳେ ତାଙ୍କୁ ଜେରା କରାଯାଉଛି । ତେବେ ବର୍ତ୍ତମାନ ଶ୍ରୀମନ୍ଦିର ରୋଷଘରେ ପଶି ଚୁଲି ଭାଙ୍ଗିଥିବା ଅଭିଯୁକ୍ତ ଜଗନ ମହାପାତ୍ର ଚାଞ୍ଚଲ୍ୟକର ବୟାନ ଦେଇଛି । ଏଭଳି ଘଟଣାକୁ ନେଇ ସାରା ଓଡ଼ିଶାବାସୀ କ୍ଷୁବ୍ଧ ଥିବାବେଳେ ଅଭିଯୁକ୍ତ କିନ୍ତୁ ମିଡ଼ିଆ ଆଗରେ ଗାଲୁ ଭୁରୁଡ଼ି ମାରିଛି । ଏମିତିକି ସେ କହିଛି, ‘ଜଣେ ଭକ୍ତ ଭାବେ ଚୁଲି ଭାଙ୍ଗିଦେଲି ।
ମୋତେ କହିଲେ ଦିଦିନରେ ୪୦ଟା ଚୁଲି କରିଦେବି । ମୁଁ କୌଣସି ବଡ଼ ଅପରାଧ କରିନାହିଁ । ତେବେ ମନକୁ କଷ୍ଟ ହେଉଛି’ । ତେବେ ମିଡ଼ିଆର ପ୍ରଶ୍ନରେ ଜଗନ କହିଛିଯେ, ଘଟଣାଦିନ ସେ ପୁରୀ ବୁଲିବାକୁ ଯାଇଥିଲା । ରାତିରେ ଶ୍ରୀମନ୍ଦିର ଭିତରକୁ ଯାଇଥିଲା । ପରେ ରୋଷ ଘରକୁ ଯାଇଥିଲେ ବି ସେଠାରେ କେହିନଥିଲେ । କିନ୍ତୁ ଲାଇଟ ଜଳୁଥିଲା । ରୋଷ ଘରେ ପଶି ସଫାସଫି କଲି । ପରେ ହାତରେ ଚୁଲି ଭାଙ୍ଗିଲି ବୋଲି ସେ ସ୍ୱୀକାର କରିଛି ।
ତେବେ କାହିଁକି ଚୁଲି ଭାଙ୍ଗିବା ପ୍ରଶ୍ନରେ ଜଗନ କହିଛିଯେ, ଲୋକେ ଖାଇବାକୁ ପାଉନାହାନ୍ତ, କିନ୍ତୁ ଏଠାରେ ଏତେ ଖାଦ୍ୟ ବୋଲି ତା’ମନରେ ଅଭିମାନ ଥିଲା । ସେଥିପାଇଁ ସେ ଚୁଲି ଭାଙ୍ଗିଥିଲା । କିନ୍ତୁ କାହିଁକି ଏମିତି କରିଥିଲା ସେଇଟା ମନେପଡ଼ୁନି ବୋଲି ଜଗନ କହିଛି । ଦିନ ୨ଟା ବେଳକୁ ସେ ମନ୍ଦିର ଯାଇଥିଲା । କିନ୍ତୁ ମନ୍ଦିର ପହୁଡ଼ ପରେ ସେ ମନ୍ଦିର ଛାଡ଼ି ଯାଇ ନଥିଲା । ସେଠାରେ ହିଁ ରହିଥିଲା । ପରେ ରୋଷଘରକୁ ଯାଇଥିଲା
ତେବେ ଅପରପକ୍ଷରେ ଜଗନକୁ ଗିରଫ କରି କୋର୍ଟ ଚାଲାଣ କରାଯାଇଛି । ସୂଚନାଯୋଗ୍ୟଯେ, ଏହି ଘଟଣାକୁ ନେଇ ରାଜ୍ୟରେ ଜୋରଦାର ଚର୍ଚ୍ଚା ହେଉଥିବାବେଳେ ସରକାରଙ୍କ ନିଦ ହଜି ଯାଇଥିଲା । ଗିରଫ ଜଗନ ମହାପାତ୍ର ଖୋର୍ଦ୍ଧା ଜିଲ୍ଲା ବେଗୁନିଆ ବ୍ଲକ ଅନ୍ତର୍ଗତ ଦେଉଳି ଗ୍ରାମର ବୋଲି ଜଣାପଡ଼ିଛି । ସିସିଟିଭି ଫୁଟେଜରୁ ଏହି ସନ୍ଦିଗ୍ଧକୁ ଚିହ୍ନଟ କରିଥିଲା ପୁଲିସ୍ । ଶ୍ରୀମନ୍ଦିରରୁ ବାହାରିବା ପରେ ସନ୍ଦିଗ୍ଧ ନିଜ ଘର ଖୋର୍ଦ୍ଧାକୁ ଚାଲି ଯାଉଥିଲା ।
ଏ ସମ୍ପର୍କରେ ଖବର ପାଇ ପୁରୀ ପୁଲିସ୍ ତାକୁ ଖୋର୍ଦ୍ଧା ଓ ପୁରୀ ଜିଲ୍ଲା ସୀମାରୁ ଧରିଥିବା ଜଣାପଡିଛି । ସିଂହଦ୍ୱାର ଥାନା ଇନଚାର୍ଜ ତଥା ଟାଉନ ଥାନା ଆଇଆଇସି ଏବଂ ବାସେଳି ସାହି ଥାନା ଆଇଆଇସି ତାକୁ ଖୋର୍ଦ୍ଧା ଓ ପୁରୀ ଜିଲ୍ଲା ସୀମାରୁ ଧରି ପୁରୀ ଆଣିଥିଲେ । ତାଙ୍କ ବାପା ମାଆ ଓ ସଂପର୍କୀୟମାନେ ଜଗନଙ୍କ ବିଷୟରେ ସୂଚନା ଦେଇଛନ୍ତି । ଜଗନର ଟିକିଏ ମାନସିକ ବିକୃତିର ଲକ୍ଷଣ ରହିଛି । ଖରା ଦିନେ ତା’ର ଏଭଳି ଲକ୍ଷଣ ଦେଖିବାକୁ ମିଳେ ।
ଜଗନ ସବୁବେଳେ ଠାକୁରଙ୍କ କଥା ଓ କାର୍ଯ୍ୟକ୍ରମରେ ସମୟ ବିତାଉଥିବା ବେଳେ ଅନେକ ସମୟ ତାଙ୍କର ମନ୍ଦିରରେ ହିଁ ବିତେ । କିନ୍ତୁ ଯଦି ପୂଜା କିମ୍ବା ଅନ୍ୟ କଥାରେ ଅସଂଗତି ଓ ବ୍ୟତିକ୍ରମ ଦେଖିନ୍ତି ସେ କୁଆଡେ ରାଗି ଯାଆନ୍ତି । ତେବେ କାହାକୁ କୌଣସି କ୍ଷତି କରନ୍ତି ନାହିଁ କେବଳ ଠାକୁରଙ୍କ ଚିନ୍ତାରେ ସମୟ ବିତାନ୍ତି । ତେବେ ଏହା ଉପରେ ଆପଣଙ୍କ ମତାମତ କଣ ନିଶ୍ଚିତ ଜଣାନ୍ତୁ ।
